**
SAN DOANI
di John Francis Della Pietra
AUDIO
Na festa semper sentida da chi da canal
Par lori e tanti d intorn veramente special
Già calche dì prima te salta sù en sin d emozion
E dale othe anca en poc de magon
A se pensà al temp che l è stat
E a quant che sto sant el n ha dat
Ariane fursi più puareti
Ne lusighea i ocj sol a girà fra i bancheti
Par na otha a l an
Podei spende en scheo par se cjole valch no fea tant dan
Chi na fauz chi na pera
En lenzol o n intimela
O sol par vardà
E sognà
Valch de bel sto an che vien da comprà
E dapò quater giostre da spià
Le ultime novità
Le nove canzon i fea sentì
Che grandi e popi i sberlea ocj tuta al dì
Le cadene i aerei i autoscontri
Tuti si podea a montà su i era pronti
Dapò prima n ombrelon
En seguito l è venù el tendon
Par chi del bal che avea pasion
E i biglietti de lotteria che la sera i spetea l estrazion
Con speranza e trepidazion
E anca par chi che avea poc o nia
Ghe restea semper par descore davant a na bira la bona compagnia
L era en mucjo da parecjà
E da slaorazà
Ma ognun se prestea
Parchè la festa polito l andea
De bonora la piaza e d intorn cesa i spazea
Tut luster s Doani a messa granda el catea
E cjapada la denedizion
Come da tradizion
I dea a zercà a vede
Se calche doani paghea da beve
Auguri giuani auguri
E i brindisi i era seguri
L è pasà tanti ani
Ma en pie resta encora sta festa de s doani
Manco mal
Bravi chi da canal…
