LA FIN DE LA JORNADA
Co’ riverà la fin de la jornada,
Co’ ben sarà finidi i nostri afani,
No volarie, Signor, par na monada,
Che pesésse i cont de tuti i ani.
De i primi de segùr te me perdona,
Che zerto despiàser no te n ò dati.
L’ é dopo che pa ‘l mondo ò fat al mona,
E de pecà pi grosi ghe n ò fati.
Speron, Signor, che alora in Paradiso
An alt e n bas i torne a far galivo.
Che ti no te me sconde l to soriso
Lassandome de fora tut solivo.
