AUDIO
Fabio Rufus Bristot
LA MOROSA DEL ME CAN
O’ troà na bela polastrela
su par na erta de ‘na stradela:
‘na cagneta tuta par mi
che la me speta da meodì.
No me ere gnanca inacort
che la me vardea fis da l’ort,
par farse conoser e vardar
la me à fat moine e tant dugar.
O’ proà a incrosarla su sta riveta,
ma la e scampada fora dreta,
così la me à asà tut stordì
a sgnafar par ela tut al dì.
Son stat fermo ore sul curtivo
strach, co’l me scainar emotivo,
po’ me son spostà in cusina
par convinzer la paronzina.
La me mena doman matina
a catar da subito la barboncina,
ma che no la scampe sul pì bel
parchè oi sentir l’udor del so scianel..
LA RACCOLTA COMPLETA
