AUDIO
ME AMIGO
Te a asà al color de i oci e la to pasion,
malamente, do in fondo an giaron:
an ciodo veniest via
co te a proà la to ultima acrobazia.
Come i me a dita che te era cascà
o pensà che fuse finida an età,
fata de crode par tuta l’istà
e de ombre e parole che te me a asà.
Te o poià su le man an fior zeleste
come par dir che no te vae, ma te reste;
Po, te o portà a spala quel dopo meodì
co sonea le campane sol che par ti…
… e ades te porte dentro al me cor
anca se te l’amigo che me a dat pi dolor.
Me piase però pensarte ancorà ligà
su par qualche cuert con gran abilità
o sentà su na panca a discorer con mi
de come la vita la se rende al destin
co nisuni te resta vizin.
LA RACCOLTA COMPLETA
