SE LA VITA FUSE EN SOGNO
E se la vita fuse sol en sogno ? Bel o burt
se dipendese da noi falo lonc o curt
se podesane modificalo a piacimento
cenise sol la gioia e butà via el tormento
Se ghe pense ogni tant me par proprio de sognà
elo posibile che el mondo el sie così tant cambià
me regorde du sun piaza no pasea na machina par ore e ore
ades le e una drio chelaltra par traversà te toca semper core
L’era i prai fin su sot le montagne ben curai
ades el bosc el riva en te stradon i alber i e semper pi tacai
na ota girà en tel bosc l’era fazile tut net!
ades no te pase pì gnanca se tes magher come en stec
Par vede en capriolo te dovei dì en bel cin in sù
encoi te verde la finestra le già la chel fà cu-cu
i prai na ota i era pién e zépi de fior de tante specie
ades inveze slavaz e ortighe fin sora le recie
Da cornis ai nost torenti sabia fina e tanti sas
e no zusch spelazai erbaze e anca qua slavaz
sot ai pont acqua limpida trute parfin girini
e no acqua sporca pantegane e rospi en ti acquitrini
Ciao Bepi! ciao Toni! ciao Nane! Te sentii du par ste strade
ades medi noi se cognes i altri noi vol insaver masa stress
lontan el temp che en te le case la porta la era semper spalancada
encoi citofoni campanei na grosa porta magari anca blindada
La casa del signor la era verta anca de not e no solche del dì
sti ani de not la e semper serada del dì la e verta ma par chi?
El preve l’era el pastor e el gregge el lo seguia
encoi i pastor i e pochi e i doven noi cré pì in nia
La vita saralo veramente en sogno? Lo se sà
se così fuse avaria volest me desedà già ani fa
parchè en te sto mondo così tant cambià
ai paura de che chel me riservarà
